Hartu kontrola, aukeratu rola

Euskal Herri osotik etorritako herritarrak bildu ziren atzo Iruñeko Zentral antzokian, ahobizi edo belarriprest roletan izena emateko prest.

Atzotik aurrera, norbanakoek izena eman ahal dute Euskaraldia: 11 egun euskaraz ariketa sozialean parte hartzeko: http://izenematea.euskaraldia.eus/ webgunean edo herriz herri jarriko dituzten postuetan.

Izen-ematearen irekieraz gain, Euskaraldiko kantua aurkeztu dute ekitaldian. Abestiaren egileak dira Las Tea Party, La Basu, Ines Osinaga eta Maddalen Arzallus.


Bestetik, gaupasa eginda ala espres horretarako ernaturik, gogoratu bihar 12:00etan zita dugula Sanfermin txikiko Auzogunean! Iruñeko hamaikakoa aurkeztuko dute! Baita Mendigoitiko aita den Ion Celestinok atondutako kanta ederra ere.

Eta ez ahaztu astelehenean, 19:00etan, Antzaran dugula hitzordua Mendillorriko Euskaraldia diseinatzeko. Hamaika izan behar dugu Euskaraldiko hamaika egun bereziak prestatzeko. Badugu ekitaldia hamaika egun horietako lehenbizikorako: azaroaren 23an, Mendillorrin kantuz ateraldi berezia eginen du giroa berotzeko bere aho biziekin. Belarria prest?